Хэрэглэгчийн итгэлийн индекс (ХИИ) нь МУ-ын эдийн засгийн хэвийн байдлыг хэрэглэгчдийн талаас нь хэмждэг барометр юм. NRCC ХИИ-ийг 2014 оноос Монгол-Японы хүний нөөцийн хөгжлийн төвтэй хамтран улсын хэмжээнд улирал тутам үнэлж байна. Индексийг бизнес, хөдөлмөр эрхлэлтийн өнөөгийн нөхцөл болон 6 сарын дараах ирээдүйн бизнес, хөдөлмөр эрхлэлт, орлогын талаарх итгэлд үндэслэн тооцдог.

ХИИ-ийг үнэлэх судалгааны мэдээлэл цуглуулах ажлыг тухайн улирлын сүүлийн сард зохион байгуулдаг. Судалгаанд улирал тутам санамсаргүй түүвэрлэгдсэн 1000 гаруй хэрэглэгч хамрагддаг. ХИИ-ийг улсын хэмжээнд болон бүс, нас, хүйс, боловсрол, орлого, сууцны төрлөөр нь ангилан тооцож мэдээлдэг. Хэрэглэгчийн итгэлийн түүвэр судалгаа нь улирлын давтамжтай тогтмол хийгддэг МУ-ын цөөхөн судалгааны нэг бөгөөд эхэлсэн цагаасаа ижилхэн агуулга, асуулттай явж ирсэн тул хугацааны харьцуулалт хийх боломжтой.  

ХИИ-ийг тооцох аргачлалын тухай дэлгэрэнгүй мэдээллийг эндээс харна уу.